Pa un Harmonia Psicologico!
Harmonia Psicologico ta ofrece servicionan psicologico trahando cu mucha, adolescente, nan famia y nan sistema di scol pa asina por tin harmonia completo. Tambe ta ofrece workshops den e temanan di expertisio. E enfoc'e ta basa riba e model biopsychosociaal, cu ta tuma tur factornan den consideracion pa por yega na un guia personalisa.
Harmonia Psicologico: Ayudo psicologico pa un miho calidad di bida.
Si bo yiu tin problema den comportacion y bo no sa kico pa haci mas, tuma contacto pa por haya guia di un profesional cu estudio y experiencia di traha cu mucha y adolescente.
E problema den comportacion por ta relata na problema den regulacion di emocion, depresion, ansiedad, trauma, pensamentonan suicidal, autismo of ADHD.
Ora abo como mayor ta comprende kico ta pasando cu bo yiu, bo lo sa miho con pa anda cu e comportacion.
Pa e tipo di tratamento tambe ta importante pa sa kico ta e causa di e problematica. Ta traha cu diferente forma di tratamento efectivo manera CGT, EMDR, Imaginaire exposure, Imaginaire Rescripting, Theraplay y Schematherapie.
Ora mayornan no ta riba e mesun linja di educacion ta haci efecto riba e mucha/adolescente su estado mental y su desaroyo. Por acudi pa ayudo pa guia di mayornan.
Noticia Harmonia Psicologico
- Lo update informacion tocante espacio pa cliente cada dos siman mirando cu no ta traha cu lista di espera. Update 18 juli 2024. Actualmente no tin lugar pa cliente nobo. Fin di augustus lo evalua pa ki tempo tin lugar pa cliente nobo.
- Cambio den procedura. Desde 1 di februari lo cuminsa cobra un late cancellation/no show fee pa cancellation dentro di 24 ora di un dia di trabao.
Horario di servicio
Dialuna pa diabierna*
9:30am - 12:00pm
1:00pm - 5:00pm
* Diabierna ta solamente pa profesionalisacion. Cita pa cu cliente ta di dialuna pa diahuebs.
Preferibel tuma contacto via celular of whatsapp mensahe, si ta desea di schedule un cita. Pa motibo di confidencialidad, e ta dificil pa yama bek un number vast y no sa ken pa puntra p'e.
INTRODUCCION
Bon bini na e website di e practica priva Harmonia Psicologico di Adaline Rasmijn, GZ-psycholoog & Cognitief Gedragstherapeut i.o.
Semper mi tabata pasiona pa husticia y derechonan humano. Mi a dicidi di bira psicologo pa haci un diferencia den e bida di muchanan y nan famianan den e banda di prevencion mirando cu ta conoci cu problemanan den salud mental por empeora cu tempo, si no ricibi ayudo. Pa e motibo aki na 2014 mi a termina e Masters Psychologie en Gezondheid, track Kinder- en Jeugd Psychologie na Universiteit van Tilburg. Mi experiencia di e ultimo añanan tabata haciendo procesamento di trauma den practica priva, haci diagnostiek na centro multidisciplinario y por ultimo haciendo diagnostiek y tratamento na polikliniek kinder- en jeugdpsychiatrie. Na 2019, ami y otro 19 psicologo den Caribe, a cuminsa cu e prome GZ-opleiding den nos area. Desde 2022 mi tin e titulo di GZ-psycholoog, esaki kiermen cu mi ta mara na e tuchtrecht di Hulanda y cu mi por haci un officiële diagnose, pa por ehempel autismo of ADHD y tambe por ofrece tratamento specialisa.
Como psicologo specialisa den e desaroyo di mucha, mi ta traha preventivo door di haci screening pa problemanan den desaroyo prome cu 4 aña. Tambe trahando cu mucha y adolescente, mi ta traha hopi cerca cu e famia y scolnan. Hunto nos por haci e diferencia den mucha nan bida y futuro.
Prijs pa servicionan basico
Intake
60 minuut
Awg. 200,-
Sesion di evaluacion*
60 minuut
Awg. 175,-
Sesion individual
45 minuut
Awg. 175,-
EMDR of sesion famia
75 minuut
Awg. 225,-
Consulta telefonico*
15 minuut
Awg. 45,-
Carta max 1 A4
Awg. 45,-
Ta ofrece un oferta pa investigacion psicologico despues di e sesion di intake.
*Un cita di evaluacion ta si mester conseho, sin sigui tratamento na Harmonia Psicologico.
*Consulta telefonico ta ora tin pregunta inhoudelijk, unda cu ta haci uzo di expertisio pa conseho. Pa haci cita of puntra pa informacion ta gratis.
Harmonia Psicologico ta traha cu e siguiente seguronan priva; Nagico, Palig, Citizens, Ennia, CG united, Sagicor y Boogaard. Tambe ta traha cu AZV+. E ta depende di cua seguro bo tin, si mester paga na e cita of no. Pa e motibo aki ta importante pa informa si tin un di e seguronan menciona na momento di schedule un intake.
Por haci pago via transfer of cash.
Harmonia Psicologico Aanmeldform
Yena e formulario aki si bo ta desea di wordo contacta pa planea un intake of un session di evaluacion.